Në dy edicionet e fundit të Chicago Marathon, Amos Kipruto ishte ngjitur në pod, por jo në vendin më të rëndësishëm të tij. Në 2024-ën ishte atleti i tretë më i shpejtë ndërsa vitin e kaluar i dyti më i shpejtë, por këtë vit arriti që të shpallej fitues falë kohës 2:01:09.

34-vjeçari arriti të kurorëzonte ëndrrën për të fituar njërën prej gjashtë maratonave kryesore të globit në mënyrën më të mirë të mundshme duke dominuar që në kilometrat e para.

Ritmin e tij tentoi ta mbante kampioni i vitit të kaluar, Jacob Kiplimo, i cili nuk ia doli të rezistonte gjatë. 25-vjeçari nuk mundi që të ruante hapin e kenianit madje edhe pagoi shtrenjtë vendimin për ta ndjekur pasi përfundoi garën në vendin e katërt.

Falë kohës që vendosi në Chicago, Kipruto bëhet maratonomaku i gjashtë më i shpejtë në historinë e atletikës. Ai këtë vit mori pjesë edhe në London Marathon, të cilën e mbylli me kohën 2:01:29. A.V.

Garuesit elitarë meshkuj:

1. Amos Kipruto (KEN) — 2:01:09
2. Tadese Bikila (ETH) — 2:02:56
3. Milkesa Mengesha (ETH) — 2:03:46
4. Jacob Kiplimo (UGA) — 2:04:18
5. Boki Diriba (ETH) — 2:05:01
6. Daniel Mateiko (KEN) — 2:05:23
7. Clayton Young (USA) — 2:05:23
8. Charles Hicks (USA) — 2:05:35
9. Akira Akasaki (JPN) — 2:05:48
10. Vincent Mauri (USA) — 2:06:46
11. Galen Rupp (USA) — 2:06:54

Garueset elitare femra:

1. Hawi Feysa (ETH) — 2:13:33
2. Sharon Lokedi (KEN) — 2:14:07
3. Brigid Kosgei (KEN) — 2:14:55
4. Mary Ngugi-Cooper (KEN) — 2:17:23
5. Joan Jepkosgei Kilimo (KEN) — 2:18:38
6. Isobel Batt-Doyle (AUS) — 2:20:38
7. Emma Grace Hurley (USA) — 2:20:47
8. Degitu Azimeraw Asires (ETH) — 2:21:00
9. Magdalyne Masai (KEN) — 2:21:11
10. Loice Chemnung (KEN) — 2:21:19

12. Dakotah Popehn (USA) — 2:24:00