Egnatia mposht Teutën, i rrëmben vendin e parë

Abissnet Superiore | 46 minuta më parë

Në ndeshjen e fundit të fazës së parë të “Abissnet Superiore”, e cila erdhi për shikuesit në ekanin e RTSH Sport, Egnatia ka mposhtur Teutën me rezultatin 1-0 duke i rrëmbyer dhe vendin e parë në klasifikim.

Në “Egnatia Arena” vendasit u shfaqën më kërkues përballë një Teute të kujdesshme, me një pjesë të parë të mbyllur në barazim 0-0.

Në pjesën e dytë Egnatia arriti të gjejë rrugën e rrjetës pas një aksioni mjaft të shpejtë, me Grudën që shërbeu për Adjesan, i cili nuk i lejoi asnjë mundësi portierit Bernardoni.

Në minutat në vazhdim, përpjekje nga të dyja skuadrat, por rezultati mbeti i pandryshuar deri në sinjalizimin e fundit të gjyqtarit, Juxhin Xhaja.

Me këtë fitore, Egnatia ngjitet në vendin e parë me 21 pikë pas 9 javësh kampionat, ndërsa Teuta zbret në vendin e dytë me 20 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.