Për çdo njeri ka një lloj pune në të cilën ai do të bëhej i dobishëm për shoqërinë, duke gjetur aty njëkohësisht lumturinë e vet.

24 vjeçarja, Enxhi Sulejmani, ndonëse kreu studimet për cikël të ulët, në zemrën e saj “flinte” një dëshirë e madhe që një ditë të bëhej pjesë e Forcave të Armatosura dhe të mbante veshur uniformen ushtarake.

Ajo tregon arsyet që e bëjnë ta dojë këtë profesion akoma pa qenë pjesë e tij.

“Dëshira është që të marr pjesë në Forcat e Armatosura. Është një mundësi e mirë, në radhë të parë për vetën dhe u shkon në ndihmë dhe njerëzve të tjerë me këtë profesion. Pse të largohesh kur mundësitë të krijohen edhe në vendin tënd. Veten e shikoj lart pasi duke marrë specializime të ndryshme do të kem dhe rritje në karrierë”, tha Sulejmani.

“Gjysma e punës është përfunduar kur fillohet me dëshirë” ishin këto fjalët e poetit kombëtar, Naim Frashëri, në të cilat Enxhi Sulejmani beson fort se do t’ia dali të përfaqësoj më së miri veten e saj nën uniformen e Forcave të Armatosura.

Gazetare: Leonida Koçiu

/rtsh.al/