Jurgen Klopp, aktualisht trajner i Gjermanisë dhe ish-trajner i Liverpoolit, foli për skandalin që ka përfshirë Manchester Cityn. Fillimisht, ai tha se ishte gati të festonte heqjen e titujve, por tani ka ndryshuar mendje.

“Disa kohë më parë, thashë se do të merrja pjesë në një paradë festive, të kompletuar me autobus të hapur, nëse ata do t’ua hiqnin “Qytetarëve” atë që kanë fituar gjatë viteve. Megjithatë, tani nuk ndihem më kështu. Thjesht ndiej nevojën të pres dhe të shoh se çfarë do të ndodhë”.

“Ishin kundërshtarë të frikshëm. Nuk kam të bëj fare me këtë histori dhe nuk po përgatitem të festoj. Nuk ndiej asnjë emocion për këtë. Jam plotësisht i kënaqur me atë që kam bërë dhe atë që kemi arritur me Liverpoolin. Pjesa tjetër nuk më intereson”.

Gjatë viteve të tij në krye të Reds, trajneri gjerman fitoi një titull të Premier League, një Kupë FA, një Community Shield dhe dy Kupa të Ligës. Në nivel ndërkombëtar, ai fitoi një Ligë Kampionësh, një Superkupë dhe një Kupë Bote për Klube.