Kuvendi serb kthehet në “arenë boksi”, deputetët zihen me grushte

Serbi | 2 vite më parë

Seanca plenare e Kuvendit të Serbisë është shoqëruar me dhunë fizike mes deputetëve të mazhorancës dhe opozitës. Është dashur ndërhyrja e punonjësve të sigurisë për të ndarë deputetët të cilët goditeshin fizikisht mes tyre.

Konflikti nisi pasi deputetët e opozitës bllokuan foltoren pasi mazhoranca nuk miratoi kërkesën e tyre për votimin e mosbesimit të qeverisë, duke degraduar më pas në përplasje fizike.

Kryetarja e Kuvendit, Ana Brnabiq, tha për mediat se dhuna ishte nëpërkëmbje e dinjitetit të Parlamentit.

“Më duhet të them se një shkelje e tillë e dinjitetit nuk është parë kurrë në historinë e kësaj shtëpie përveç 5 tetorit kur e dogjën”, tha Brnabiq në një konferencë për shtyp në sallën e Kuvendit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.