Bashkia Elbasanit ka nisur të ndërtojë  muzeun e arsimit të qytetit. Godina do të jetë në brendësi të Kalasë duke i shtuar një vlerë akoma dhe më të madhe trashëgimisë kulturore. Punimet kanë nisur 1 muaj më parë dhe pritet që muzeu do te jetë i gatshëm për të pritur vizitorë gjatë muajve të para të vitit 2025.

Drejtori Trashëgimisë dhe kulturës së Bashkinë e Elbasanit  Kliton Kapaj shprehet muzeu i arsimit do të pasqyrojë edhe një herë vlerat e pasura të qytetit të cilat gërshetohen me turizmin.

“Aktualisht kjo godinë që po flasim, po punohet dhe po bëhet një restaurim i plotë dhe një koncept i ri për të përshtatur muzeun e arsimit në qytetin e Elbasanit”, u shpreh Kliton Kapaj, Drejtori i Trashëgimisë dhe Kulturës, Elbasan.

Investimi i godinës së Muzeut të Arsimit në Kalanë e Elbasanit do të financohet nga buxheti i bashkisë  mbi 8 milion lekë, punimet do të zgjasin rreth 3 muaj.

/RTSH/