Parada e Ditës së Pavarësisë, pjesëmarrës edhe ansamblet kulturore të Prizrenit

Sociale | 2 vite më parë

Prizreni nuk do të mungojë në paradën e shqiptarëve më 28 nëntor kushtuar Ditës së Pavarësisë, që do të mbahet në Tiranë.

Adem Morina, Drejtor i Rinisë, Kulturës dhe Sportit në komunën e Prizrenit thotë se për herë të dytë në bulevardin “Dëshmorët e Kombit” do të marrin pjesë rreth 200 anëtarë të ansambleve kulturore të Prizrenit.

“Me datën 28, Prizreni do të jetë në Tiranë dhe do të bëhemi bashkë në paradën e të gjithë shqiptarëve që realizohet në sheshin e Tiranës”, tha Morina.

Atmosfera festive për festat e flamurit gëlon edhe në Prizren, qyteti është veshur me flamuj dhe simbole të tjera atdhetare.

Si kryqendër historike dhe shpirtërore e shqiptarëve, më 28 nëntor, ditën e pavarësisë së Shqipërisë Prizreni vizitohet në masë nga turistë të huaj dhe vendas.

Gazetare: Besjana Gërmizi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.