Zgjedhjet në Federatën e Peshëngritjes, Elez Gjoza rikonfirmohet

Sporte të tjera | 2 vite më parë

Federata Shqiptare e Peshëngritjes ka mbajtur në Shkodër, Asamblenë Zgjedhore, për zgjedhjen e Presidentit dhe të Bordit Drejtues.

I pranishëm në këtë Asamble, Presidenti i Komitetit Olimpik Kombëtar Shqiptar, z. Fidel Ylli, e nisi fjalimin e tij me një urim për rithemelimin e Federatës Ballkanike të Peshëngritjes, pak javë më parë dhe ku President u zgjodh me vota unanime, z. Elez Gjozaj, ndërsa vlerësoi arritjet që ka shënuar Federata e Peshëngritjes.

I pranishëm në këtë Asamble ishte edhe përfaqësuesi i Federatës Europiane të Peshëngritjes, z. Astrit Hasani.

Në procesin e zgjedhjes së Presidentit, z. Elez Gjoza, arriti të merrte 15 vota, duke u rikonfirmuar në postin e Presidentit, ndërsa kandidati tjetër, z. Asim Belinova, mori vetëm 1 votë.

Gjithashtu nga këtë Asamble u zgjodh dhe Bordi i ri Drejtues me anëtarë: Artur Lagja, Leonard Toska, Asim Belinova, Arben Qafa, Endri Karina dhe Ilir Topuzi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.