Rrezik në një tjetër shkollë në Serbi, nxënësi kërcënon mësuesin me bombë

Serbi | 3 vite më parë

Policia serbe ka arrestuar një nxënës i cili ka kërcënuar me bombë një mësues të një shkolle të mesme.

Nxënësi ka kërkuar ta zgjidhë “hakmarrjen” e tij ndaj mësuesit duke e kërcënuar me bombë, për shkak paralajmërimit që i riu kishte marrë si pasojë e mungesave të shumta që bënte në shkollë.

Pas arrestimit, policia kontrolloi banesën e nxënësit por nuk gjeti mjete shpërthyese apo armë.

Të dyshuarit i është caktuar masa e ndalimit deri në 48 orë. Ai është dërguar në Prokurorinë Themelore Publike në Pirot, shkruan B92.

Ngjarja ka ndodhur në një shkollë të mesme në Babushnicë të Serbisë, duke krijuar panik pas masakrës së vetëm pak ditëve më parë kur një nxënës ekzekutoi 8 nxënës dhe rojen e shkollës ku mësonte.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.