Ish-drejtori BIA-s, Shërbimit Sekret serb, Aleksandar Vulin, ka thënë për median Novosti se kryetari i Partisë Republikane, Nikola Sanduloviç, i cili u rrah brutaisht dy ditë më parë, është ndaluar me urdhër të tij. 

Vulin tha se urdhëri kishte mbetur në fuqi edhe pas dorëheqjes së tij, pasi u fut në listën e zezë të SHBA-së.  “Sanduloviq u ndalua sipas urdhrit tim, i cili mbeti në fuqi edhe pas dorëheqjes sime. Ai u ndalua me dyshimin se ka cenuar rendin kushtetues dhe duke punuar aktivisht për të mbështetur shkëputjen e Kosovës” tha Vulin.   

Sanduloviç u rrah për vdekje për shkak të vizitës së tij për të nderuar dëshmorët në Prekaz, dhe Vulin duke e krahasur udhëheqësin legjendar Adem Jasharin me dikatatorë dhe terroristë, u shpreh se të njëjtën gjë do të kishin bërë edhe shërbimet e tjera sekrete. “Nëse Sanduloviç do të kishte vendosur një kurorë në varrin e Hitlerit, Mossad do ta kishte vrarë atë, nëse do të kishte vendosur një kurorë në varrin e Osama bin Ladenit, CIA do ta kishte vrarë atë. I kërkoj falje Serbisë që nuk mund të bëj asgjë më shumë. Nuk e di se për cilët tradhtarë të tjerë janë aktiv urdhrat e mi të arrestit dhe t’i sjell para prokurorëve kompetentë, por është mirë që tradhtarët të kontrollojnë vetë, shpresoj që urdhrat të mos jenë hequr” tha Vulin.

Ndërkohë, Çedomir Stojkoviç, avokati i Sanduloviçit, ka deklauar se Vulin po thotë se ka dhënë urdhrin për ndalimin e kreut të Partisë Republikane të Serbisë, në mëyrë që të mbulojë presidentin serb Aleksadër Vuçiç, pasi kjo gjë do të çonte në reagimin e ndërkombetarëve ndaj regjimit të presidentit serb. 

Sanduloviç ndodhet nën arrest në një spital ushtarak në Beograd, ndërsa e bija e politikanit serb Klara Sanduloviç, ka pohuar se babai i saj është helmuar dhe dyshohet se kjo është bërë me agjentin nervor, novichok.

( Gazetar Artur Mata )

/ rtsh.al /