Reagon Kamberi pasi disa media në Serbi nuk transmetuan fjalimin e Kurtit në mbledhjen e Këshillit të Sigurimit

Serbi | 3 vite më parë

Deputeti shqiptar në Parlamentin e Serbisë, Shaip Kamberi ka reaguar në lidhje që disa media në Serbi kanë ndërprerë transmetimin e seancë së Këshillit të Sigurimit të OKB-së, momentin që ka nisur fjalimin kryeministri i Kosovës, Albin Kurti.

Nëpërmjet një reagimi në platformën “X”, Kamberi shkruan se janë katër media që kanë ndërprerë transmetimin, ndërsa mediat në Kosovë kanë transmetuar gjithë fjalimin e presidentit serb.

“Ndërsa Albin Kurti mbajti fjalimin e tij, RTS dhe tre stacione të tjera televizive serbe ndërprenë transmetimin e seancës së Këshillit të Sigurimit.

Ndërkohë, RTK e transmetoi të gjithë fjalimin e Vuçiqit! Tani, në cilin vend ka më shumë tolerancë”, thotë Kamberi.

Për ndalimin e transmetimit të fjalimit të Kurtit, ka reaguar edhe Klisman Kadiu, këshilltar i zëvendëskryeministrit, Bisnik Bislimi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.