Miqësore/ Pogradeci mposht Skënderbeun, Keko shënon dy gola në fitoren e Partizanit

Futboll Vendi | 1 orë më parë

Ndonëse kampionatet janë pushim për shkak të pauzës së kombëtareve, skuadra e Abissnet Superiores vazhdojnë punën për të qenë në formën optimale kur të rikthehen në aktivitet.

Partizani ka zhvilluar një ndeshje miqësore me Drenicën në stadiumin “Tofik Jashari” në Shijak. “Të kuqtë” kanë fituar 2-1 këtë miqësore, me Kekon protagonist, pasi sulmuesi ka shënuar një dygolësh përballë miqve nga Skënderaj.

Një ndeshje miqësore është zhvilluar edhe në “Gjorgji Kyçyku”, aty ku vendasit e Pogradecit kanë fituar 2-1 derbin e juglindjes ndaj Skënderbeut.

Frimpong kaloi në avantazh liqenorët në pjesën e dytë, por korçarët barazuan shifrat me Grazhdanin. Në minutat shtesë të takimit Firmpong shënoi golin e fitores për Pogradecin dhe të dytin personal në këtë miqësore.

Miqesore

partizani

Pogradeci

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.