Shqip
English
Français
Deutsch
Ελληνικά
Italiano
Srpski
Türkçe“Serbia vazhdon të bashkëpunojë me Moskën, por synon anëtarësimin në BE”
Ambasadori ukrainas në Serbi, Volodimir Tolkaç (o. Volodymyr Tolkach) ka drejtuar gishtin drejt Serbisë se nuk është e qartë në qëndrimin për luftën Rusi–Ukrainë.
“Serbia nuk e ka qartësuar pozicionin kundrejt Rusisë, por vazhdon të bashkëpunojë me Moskën. Pozicioni duhet të bëhet i qartë, pasi Serbia është kandidate për t’u bërë anëtare e BE-së,” u shpreh ambasadori Tolkaç.
Duke marrë rastin personal të banesës së shkatërruar nga sulmet ruse, ai i tha medieve serbe se brenda godinës jetonin vetëm civilë, jo ushtarakë.
Serbia është ndër vendet e pakta, përveç Bjellorusisë, që nuk ka pranuar të vendosë sanksione kundër Rusisë për pushtimin e Ukrainas, me arsyen se nuk do të dëmtojë marrëdhëniet me “shtetin fqinj”.
“Serbia respekton miqësitë tradicionale,” ka deklaruar presidenti Aleksandar Vuçiq (o. Vucic). /N1
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
