Normalizohet situata te Vllaznia, lojtarët mbyllin bojkotin dhe i rikthehen stërvitjes

Abissnet Superiore | 36 minuta më parë

Pas një dite bojkot të stërvitjes, futbollistët e Vllaznisë sot kanë qenë normalisht në fushën e blertë. Qetësohen kështu shkodranët para një sfide shumë të vështirë si ajo e së dielës kundër Dinamos në kampionat.

Mësohet se mes futbollistëve të Vllaznisë dhe presidentit Alban Xhaferi ka pasur një takim, ku është rënë dakord që të vazhdojë puna normalisht. Më pas të gjithë futbollistët kanë zbritur në fushën e “Reshit Rusit”, duke vazhduar përgatjet anti-Dinamo.

Në stolin e skuadrës shkodrane do të debutojë ditën e diel trajneri i ri Laszlo, i cili ka zënë vendin e Martinit. Vllaznia e ka nisur dobët këtë kampionat, ku pas 5 javëve të para ka vetëm 2 pikë dhe mbyll tabelën e renditjes. Ndeshja me Dinamon, që luhet në “Loro Boriçi” të dielën, ora 18:30, konsiderohet si pika e kthesës.

Bojkoti

rikthimi

vllaznia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.