Vuçiq kërcënohet me vdekje duke e krahasuar me rastin e kryeministrit sllovak Robert Fico

Serbi | 2 vite më parë

Zëvendëskryeministri dhe ministri i Brendshëm i Serbisë, Ivica Daçiq tha se presidenti serb Aleksandar Vuçiq është kërcënuar me vdekje. Për mediat, Daçiq u shpreh se autori u identifikua si Dragan Mijatoviq nga Sombori, i cili është arrestuar.

“Për shkak të kërcënimit të sigurisë së Presidentit të Republikës, është arrestuar Dragan Mijatoviq nga Sombori dhe i është caktuar masa e ndalimit për 48 orë”, thuhet dje në njoftimin e ministrisë së Brendshme serbe.

Mijatoviqi ka kërcënuar Vuçiqin duke i përmendur sulmin që iu bë kryeministrit sllovak Robert Fico, ku ka komentuar në një postim të tij “Kjo ishte një provë për vrasjen tuaj!”.

Kjo nuk është hera e parë që presidenti i Serbisë merr kërcënime me vdekje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.