Presidenti serb Aleksandër Vuçiq tha se bashkësia ndërkombëtare gënjeu në lidhje me anëtarësimin e Kosovës në Këshillin e Evropës.

Vuçiq tha se pret vetëm lajme të këqija dhe se kjo do të ndikojë në qasjen e Serbisë në dialogun e ndërmjetësuar nga BE.

“Do t’ua shpjegoj se si na mashtruan disa të ashtuquajtur miq dhe na gënjyen në lidhje me anëtarësimin e Kosovës në Këshill të Evropës. U thamë se çfarë do të ndodhë nëse kjo ndodh, sepse ata mendojnë se kanë të drejtë të zbatojnë marrëveshjen në mënyrë mashtruese. Kur dikush të mashtron një herë, kjo u ndodh njerëzve të mirë sepse i besojnë fjalës apo nënshkrimit të dikujt. Por, kur të mashtron për herë të dytë, ju mund të keni besuar tepër apo keni dashur të besoni. Nëse vazhdon kështu, atëherë nuk flitet për atë që të ka mashtruar, por se jeni budalla. Ne nuk jemi më aq budallenj”,  tha Vuçiq.

/rtsh.al/